Fuzuli
Balcony par bethe do chidiyon ko pyaar krte dekha hai kabhi? Baat jitni mamuli hai, utni hi pyari bhi. Khair Chidiyon ki baat to mamili hai, par jab do alag balcony ki baat kari jaye, jaise bich me sadak ho, aur amne samne ghar. Aur hawao me mehekta pyaar ho jab balcony balcony na hokar showcase ho jaye, jimse jawan dilon ke fool khile tab baat kuchh aur hai. Sadaf firse balcony par bethe uska intezaar kar rahi thi, haath me coffe liye, bechain dil k saath. Baat to us ladke ko bhi achchi tarah pata hai ki sadaf sirf use hi dekhne balcony par aati hai, firbhi ye hichkichahat kesi? Sadaf ka dil jitna khula hai.... utna hi sharmila tha vo bewakoof. Aaj Sadaf ka bechain hona bhi jayaz tha, kyuki kal jab vo aya tha, apni balcony par, hichkicha raha tha, nakhre kar raha tha, par aakhir me pal bhar ke liye nazre mil hi gyi. Ankhe chura kar dekhne ka silsila pichhle teen dino se jari tha. Har roz kuchh n kuchh naye ishare hote. Ye sab hone k bawajood bhi baat zara kachchi reh gyi hai. Aur...